Klatresenter

Buldring

Buldreveggen vår er 4,5 m høg. Her er det tjukkas under, så ein ikkje treng å tenkje på tau eller sikring, og det krevst ingen forkunnskap for å prøve seg. Med buldring langs to veggar, samt ein frittstående konstruksjon midt i rommet har vi totalt ca 250 kvm buldrevegg. Her finn du til ei kvar tid mange bulder i alle vanskegrader. Det vert skrudd nye bulder kvar veke. Buldra er merka med teip, som viser vanskegrad og startgrep. Buldreveggen vår er ganske høg, og sjølv om det er tjukkas under anbefaler vi å klatre litt ned igjen før ein slepper taket. Grå nedklatringstak er plassert på stader der det kan vere vanskeleg å klatre ned.

Tauklatring

Tauklatring skjer på lengre ruter, og krev både meir utstyr (sele, tau og taubrems) og kunnskap om sikring. Tauveggen vår er 12 m høg og har 12 boltelinjer. Det vil normalt vere skrudd ca to ruter på kvar av linjene. Då nokre av linjene er plassert tett, anbefaler vi kun å klatre på annakvar linje. 

 Alle som skal sikre hjå oss må ha Brattkort. Brattkort-kurs kan du sjølvsagt ta hjå oss!

Autobelay

Vi har 4 autobelayar (automatiske sikringsmaskiner) på senteret, som gjer det mogeleg å kome opp i høgda også om ein ikkje har Brattkort, eller å få trent uthald utan å ha med seg ein klatrepartnar. NB: Om du ikkje har Brattkort må du få hjelp frå ein ansatt til å sikre at selen er tatt på riktig og du har festa deg korrekt. Autobelayen strammast automatisk inn etterkvart som du klatrar, og når du slepp eller fell vert du firt ned til bakken igjen.

Barnerom

Klatring er ein perfekt aktivitet for born i alle aldrar! Vi har eit eige barnerom med lavare buldreveggar med bulder skrudd spesielt for born, med klatretak tilpasset barnehender og kort avstand mellom taka. Ved sidan av barnerommet er autobelayveggen vår, som er 6 m høg og også har ruter som egnar seg for born. Det krevst ikkje forkunnskap for bruk av autobaly, men henvend deg i resepsjonen dersom du ikkje har brukt dette før og treng opplæring. Born under 13 år må alltid vere under oppsyn av vaksen.

Treningsrom

På treningsrommet kan du varme opp, trene generell eller klatrespesifikk styrke, eller tøye.

Opningstider:

  • Måndag-torsdag: 09-22
  • Fredag: 10-20
  • Laurdag: 10-18
  • Søndag: 10-20

Kontaktinfo:

  • Adr: Vievegen 169, 6812 Førde
  • E-post: post@fordeklatresenter.no
  • Tlf: 92977030 
  • Facebook
  • Instagram